NGELEKANYO DZA MURENA NDI DZA U VHA FHA VHUMATSHELO HAVHUDI

(UNITED BIBLE CHURCH 26-12-2004)
Mateo 7:9-11 Khotsi vha tadulu vha fha vhana vhavho zwivhuya. Naa ndi muthu-de uyo ane nwana wawe a tshi mu humbela tshisevho a mu fha tombo?
Yeremia 1:5 Murena vho ni divha ni sa athu bebwa. Zwi amba uri Mudzimu o dzula o ni pulanela vhumatshelo kale.
Vhaefesa 1:4,5,11 Mudzimu o ri nanga shango li sa athu sikwa.
Yeremia 29:11 Ngelekanyo dza Murena a si dza u ri vhaisa, ndi dza u ri fha vhumatshelo havhudi na fulufhelo. A zwi na ndavha uri ri bva ngafhi kana ro bebwa nga vho nnyi? Zwi no amba ndi zwauri ri khou ya gai na Murena. Ndi ngazwo ro tou bebwa hafhu u itela uri u bebwa ha u thoma hu si tsha ri tsikeledza.

1Koronika 4:9-10 Yaebetse ho ngo tenda u kundisa zwivhuya nga nthani ha dzina le mme awe vha mu nea lone. Dzina lawe li amba uri vhutungu fhedzi ene o humbela phathutshedzo kha Murena, a humbela uri vhuvhi na zwi disaho vhutungu zwi si mu sendele.

Yesaya 1:19 Arali ni tshi zwi funa na dovha na thetshelesa ni do la zwavhudi zwa lino shango. Murena u funa ri tshi la zwavhudi, fhedzi rine ri tea u tevhedza zwi disaho zwivhuya uri ri kone u la zwavhudi zwa lino shango. Tsumbo ndi ya uri ri bvise tshafumi arali ri tshi toda uri Murena vha ri dzivhele zwi ri lelaho uri zwi sa ri lele. (Maleaxi 3:8-12)

Mateo 25:20-29 Kha ri tevhedze pulane ya Mudzimu nga matshilo ashu. Kha ri fulufhedzee kha zwe Mudzimu vha ri vhidzela zwone.